La Conceyalía d’Educación d’Uviéu pon cursos de llingua asturiana pal mes d’ochobre

17 setiembre 23:21 2007 Imprimir

Yá ta abiertu’l plazu p’apuntase a los cursos d’asturianu entamaos pol Conceyu d’Uviéu pa esti iviernu. Hasta’l 28 de setiembre va tar abiertu’l plazu con un númberu de places llimitáu y cola asignación por orde de rexistru, pal qu’hai qu’apuntase na Conceyalía d’Educación del Ayuntamientu d’Uviéu.

Estes clases de llingua asturiana van entamar el día 2 d’ochobre na escuela ‘Gesta II’ y va poneles una profesora llicenciada en Filoloxía Hispánica y especialista en Filoloxía Asturiana. L’horariu va ser de cinco a siete la tarde los llunes, martes y xueves y al finar va entregase un diploma acreditativu.

  Categories:
Loading Facebook Comments ...