La conceyala de Mocedá d’Avilés recibe a los estudiantes que van exercer d’Antenes Informatives

La conceyala de Mocedá d’Avilés recibe a los estudiantes que van exercer d’Antenes Informatives
04 avientu 13:13 2018 Imprimir

La conceyala de Mocedá d’Avilés recibió esti llunes a los estudiantes que van exercer como Antenes Informatives mientres esti cursu. La so xera va consistir n’averar a los demás mozos del so centru tola actividá que la Conceyalía de Mocedá programa a lo llargo del añu y recoyer les sos propuestes, moliciones y necesidaes. 

La conceyala de Mocedá, Raquel Ruiz, axuntose esti llunes 3 d’avientu colos y les estudiantes que mientres esti cursu van faer les funciones d’Antenes Informatives nos sos respectivos centros educativos. L’alcuentru tuvo llugar a les 18:00 hores nel Salón de Recepciones de Conceyu. Y nesta ocasión, los centros participantes son los IES de La Lluz, La Madalena, Carreño Miranda, Númberu 5 y Menéndez Pidal.

Esti proyectu, impulsáu dende la Conceyalía de Mocedá, nació en 2008 colos siguientes oxetivos:

  • Faer a les y los mozos protagonistes y responsables del espardimientu d’información sobro actividaes y recursos que la ciudá pon a la so disposición
  • Averar esta información, de manera directa y eficaz, a los espacios onde s’atopen diariamente (nesti casu, centros escolares)
  • Recoyer les sos propuestes, moliciones y necesidaes
  • Nesta ocasión van ser 25 los alumnos y alumnes qu’exerzan estes funciones, estudiantes que mientres el presente curso van ser Antenes Informatives nos cinco Institutos d’Educación Secundaria d’Avilés: IES Virxe de la Lluz, IES Carreño Miranda, IES Menéndez Pidal, IES Nº 5 y IES La Madalena. Tratar d’alumnáu matriculáu en grupos de 4º d’ESO y 1º y 2º de Bachilleratu.

Oxetivos pal cursu escolar 2018/2019:

Los oxetivos concretos del programa Antenes Informatives pal cursu escolar 2018/2019 son:

  • Ayudar al desenvolvimientu de mozos comprometíos, que faigan partes de les sos esperiencies a otros mozos de la so redolada.
  • Fomentar el contactu permanente con mozos qu’estudien nos distintos centros educativos de la ciudá.
  • Establecer relaciones directes colos distintos centros educativos, facilitando la collaboración col serviciu de Mocedá.
  • Xenerar nuevos contactos y relaciones ente los as nuevos participantes que viven nos distintos barrios del conceyu y estudien en distintos centros.
  • Potenciar la presencia de los proyectos del Serviciu de Mocedá nos centros educativos, fortaleciendo la visibilidá de los recursos disponibles n’Avilés.
  • Dinamizar los Puntos Moraos nos institutos.
  Categories: