Portada Música La conceyala de Mocedá d’Avilés aconceyó colos grupos de música mozos d’Avilés

La conceyala de Mocedá d’Avilés aconceyó colos grupos de música mozos d’Avilés

by redacción asturnews

La concejala de Mocedá, Raquel Ruiz, axuntóse esti martes con una quincena de mozos y moces d’Avilés pertenecientes a diez grupos de música de distintos estilos: rock, pop-rock, hardcore y rap, coles mires de desenvolver dalgún proyectu que fomente l’actividá musical de los grupos nuevos na ciudá y amonte la so visibilidá.

“Tratase de grupos que suelen realizar conciertos en chigres de la ciudá, pero dende la conceyalía de Mocedá pensamos que tenemos de da-yos la posibilidá d’ocupar espacios públicos por que tengan mayor visibilidá” señaló la conceyala Raquel Ruiz.

“Na xunta apurriéronse munches idees y optose por faer un festival, de manera que tolos grupos, toos ellos distintos, diéranse a conocer de manera conxunta y collaborando unos con otros. Inda se-y ta dando forma a les feches y el formatu, pero la intención ye que cada fin de selmana haya un conciertu con trés o cuatro grupo y a la fin faer un gran festival nel que participaríen toos. Esto podríase faese coincidir con una gran fiesta, yá sía El Bollu o San Agustín”.

La Factoría Cultural como escenariu

Como espaciu pa desenvolvelo pensóse fundamentalmente en La Factoría Cultural, yá que nes Ordenances Fiscales aprobóse la posibilidá d’arrendar les aules d’estes instalaciones. “N’ochobre aprobáronse los precios públicos pal arriendu de les aules. Hasta entós nun taba reguláu y, a partir de xineru, va dase la disponibilidad a grupos o a quien quiera disponer d’eses aules”. Otra de les idees ye utilizar espacios urbanos fayadizos, como parques y places nel centru y nos barrios. El grupu de trabayu constituyíu volverá axuntase’l próximu 26 de xineru pa siguir dándo-y forma al proyectu.

Los grupos participantes na xunta son:

Ritual
A ti ke te importa Norma Manitou
Zeta 41
Fora de control
Tyrant
Mayday
Acoustic Rules
Rock Rules

Tamién te podria gustar