Portada Conceyos La Compañía Asturiana de Comedies presenta ‘La vengación de la Xana’ en El Coto

La Compañía Asturiana de Comedies presenta ‘La vengación de la Xana’ en El Coto

by redacción asturnews

“La Vengación de la Xana” ye unu de los grandes clásicos del Teatru Popular Asturianu onde’l so autor, el célebre Eladio Verde, entemecía lleendes y personaxes mitolóxicos colos ambientes y tipos característicos del so teatru. Y la Compañía Asturiana de Comedies presenta la so versión nel Centru Municipal Integráu El Cot0 esti miércoles a les 19 hores.

A lo llargo de los trés actos, vamos afayar hestories d’amor sobrenatural que sobreviven al pasu de los sieglos y hestories más terrenales que nunca se tuvieron que considerar “d’amor”; personaxes apurríos a los demás y personaxes comenenciudos en sacar beneficiu propiu hasta cayer nel ridículu; escenes tronchantes onde se desenvuelven tradiciones populares y que s’asoceden ente escenes d’altu conteníu dramático salíes del inxeniu del autor.

Dende la Compañía Asturiana de Comedies retomase esta fantasía teatral ”pa ufiertar una versión actual capaz de traer a los nuesos díes les hestories y les formes de ser que s’entendíen como característiques de l’Asturies de los años 40 del pasáu sieglu, cuando s’estrenó. La esperiencia compartida del elencu del grupu, onde conviven cinco xeneraciones que tomen 70 años de diferencia, déxanos asegurar qu’eses esencies caltiénense como llugares comunes del nuesu pueblu.

Tamién te podria gustar