ConceyosSociedá La Comisión d’Igualdá alderica l’informe d’evaluación y siguimientu del II Plan d’Igualdá de Xixón by redacción asturnews 26 d'ochobre, 2020 written by redacción asturnews 26 d'ochobre, 2020 2,4K El Conceyu de Xixón celebró esti miércoles pasáu de manera telemática, la primer Comisión d’Igualdá d’esti mandatu, encargada de realizar el siguimientu al II Plan d’Igualdá del Consistoriu. La Comisión, presidida pola alcaldesa de Xixón, Ana González Rodríguez, ta integrada pola conceyala de Facienda, Marina Pineda, el directores xenerales de Servicios ya Igualdá, Beatriz Zrezal y Goretti Avello, respectivamente, según por una persona en representación de los organismos autónomos del Conceyu, otra persona en representación de les empreses de desenvolvimientu local y una persona en representación de cada unu de los sindicatos (UXT, CC.OO, USU, USU, CSI, USIPA y SIPLA). Goretti Avello, presentó al entamu de la comisión y pal so alderique, l’Informe d’evaluación y siguimientu del II Plan d’Igualdá del Conceyu, aprobáu’l pasáu 2018, que confirma que la meyora n’igualdá nun ye significativu nel Consistoriu, una y bones les fiendes de xéneru nun s’encurtiaron abondo de magar, y «entá queda enforma por faer pa una igualdá efectiva y real». Coles mesmes mesmu identifica que lo qu’asocede nel Conceyu, no qu’a la fienda de xéneru refierse, ye’l reflexu de la situación de les muyeres na sociedá polo xeneral. Avello destacó mientres la so intervención, la revisión de les acciones llevaes a cabu nes distintes conceyalíes del Conceyu, pa identificar aquelles árees nes que yera más urxente realizar cambeos coles mires d’impulsar la igualdá. Asina se detectaron importantes sesgos de xéneru na Axencia Local d’Empléu, concretamente, nes ufiertes del Plan Local de Formación, qu’encontiaben l’empléu de les muyeres n’oficios claramente feminizadas, como les de camarera de pisu o ayudante de cocina. Cuestiones que yá fueron iguaes. Per otru llau, los permisos pa conciliar nel Conceyu siguen siendo solicitaos, mayoritariamente, por muyeres, un total de 11.452, frente a 3.296 homes. La propuesta realizao y alcordao esta mañana ye qu’esta Comisión axúntese una vegada cada cuatrimestre. 0 FacebookTwitterPinterestEmail Anterior El Conceyu presenta la campaña ‘Por un Uviéu llibre de Covid’ siguiente Un documental desmonta la versión oficial de la muerte d’Unamuno Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Barry B pieslla’l cartelu del Festival VESU