La colombiana Pilar Quintana gana’l Premiu Alfaguara de Novela

La colombiana Pilar Quintana gana’l Premiu Alfaguara de Novela
25 xineru 14:03 2021 Imprimir

La escritora colombiana Pilar Quintana (Cali, 1972) foi galardonada esti xueves pasáu col Premiu Alfaguara de novela 2021, pola so obra “Los abilsos”, na qu’esquiza l’interior d’una familia al traviés de los güeyos d’una neña y fala de la maternidá por imposición social.

El xuráu, presidíu por Héctor Abá Faciolince, destacó que la obra ganadora “enfúsase na escuridá del mundu de los adultos al traviés del puntu de vista d’una neña que, dende la memoria de la so vida familiar, intenta entender la conflictiva relación ente los sos padres”. Una novela que tien como telón de fondu l’estrechu universu femenín formáu por muyeres acomodaes a la so vida que nun pueden romper con una educación d’otru tiempu. Xuna hestoria “poderosa” escrita con una prosa sutil y lluminoso”, según el xuráu.

El fallu foi dáu a conocer esti xueves nun actu celebráu na Casa América de Madrid, presentáu pola periodista Pepa Fernández, que foi siguíu per internet por más d’un centenar de periodistes d’España, Llatinoamérica y Estaos Xuníos, y nel qu’intervinieron los miembros del xuráu y la galardonada. “Naide sabe lo que pasa nel interior d’una familia, ese ye’l gran abilsu qu’esquiza la novela”, un llibru nel que cavilga sobro “qué pasa coles muyeres que fueron madres pola imposición social”, indicó Quintana nuna entrevista con Efe.

La escritora colombiana, a la que siempres-y gustó “poner en palabres lo que taba vedáu” y pa la que la lliteratura foi un abellugu, quixo reconocer nesta novela eses voces que quieren “desmitificar la maternidá, desacralizarla” y cuntala dende la so complexidá.

  Categories: