La cola del cine ye cada vegada más curtia

El cine n’España rexistró en 2017 un leve retrocesu del 0,5 % con un total de 99,7 millones d’espectadores, ente que la recaldación amenorgó un 0,7 % hasta los 597 millones d’euros, según datos provisionales de la consultora Comscore Spain.

Con dos películes españoles ente les diez más vistae y seis que superaron el millón d’espectadores, la cuota de pantalla del cine español asitiase anguaño nel 17,1 %, lo que supon el segundu descensu añal consecutivu, frente al 18,1 % de 2016 y el 19 % de 2015.

La película más vista en 2017 foi La Bella y la Bestia -3,7 millones d’espectadores y 21,9 millones d’euros-, siguida por Gru 3: El mio villanu favoritu (3,6 millones d’espectadores y 20,5 millones d’euros), y la española Tadeo Jones 2 (3,1 millones d’espectadores, 17,5 millones d’euros). Síguieron Star Wars: Los postreros jedi (2,6 millones d’espectadores, 16,7 millones d’euros), Fast and furious 8 (2,2 millones d’espectadores, 13,5 millones d’euros) y La la land (2,1 millones d’espectadores, 13,4 millones d’euros).

El top 10 de películes más taquilleres completase con Pirates del Caribe: la venganza de Salazar (2,1 millones d’espectadores, 13 millones d’euros), Perfectos desconocíos d’Álex de la Ilesia (2 millones d’espectadores, 12,9 millones d’euros) y 50 solombres más escures (2 millones d’espectadores, 12,8 millones d’euros).

Amás de Tadeo Jones 2 y Perfectos desconocíos, superaron el millón d’espectadores la comedia Ye pol to bien (1,5 millones d’espectadores, 9,5 millones d’euros), El secretu de Marrowbone (1,1 millones d’espectadores, 7,2 millones d’euros), Señor dame paciencia (1,08 millones espectadores, 6,6 millones d’euros), y Toc toc (1,04 millones espectadores, 6,04 millones d’euros).