La Col.lá Propinde presenten na FNAC “A teyavana”, el so tercer trabayu discográficu

29 xineru 09:25 2010 Imprimir

El grupu de folk-fusión de Pola L.lena, La Col.la Propinde, presenta esti vienres 29 de xineru, el que ye el so tercer trabayu discográficu, “A teyavana”. La cita va ser na FNAC de Parque Principáu, en Siero, de magar les ocho la tarde. Nel actu, el grupu va dar un conciertín nel que podrán sentise per primera vegada en direutu dellos temes de “a teyavana”, el so discu nuevu que ta acabante d’asoleyar Algamar Producciones.

“A teyavana” ye un discu con 12 temes onde se combinen los de reellaboración tradicional y los de composición propia del grupu. Amás, nesta ocasión, cuenta cola collaboración d’Esther Fonseca, que pon voz al cantar “2417”.

“A teyavana” grabóse nos estudios TUTU ente mayu y setiembre, cola producción de Sergio Rodríguez y Ánxel González.

Ente la biografía de La Col.lá Propinde, destaca’l premiu al Meyor Cantar n’asturianu nel añu 2003 por “l’emigrante”. Amás, nel añu 2009 fueron banda sonora de la serie de Antena3 “Doctor Mateo”.

  Categories:
Loading Facebook Comments ...