Portada Gastronomía La Cofradía d’Amigos de les Fabes fala de los retos de la producción y consumu

La Cofradía d’Amigos de les Fabes fala de los retos de la producción y consumu

by asturnet

Desque nació la Cofradía d’Amigos de les Fabes del Principáu d’Asturies, nun dexaron de trabayar en pos de la defensa d’esti productu tan amestáu a la nuesa rexón. Ye por ello y conscientes de la gran potencialidá que tien el cultivu d’esta llegume como una nueva vía de trabayu pal gran númberu de mozos que riquen una mira de futuru y un mediu de vida, qu’esta entidá va entamar el vienres a partir de les 18:30 hores nes instalaciones del restorán Amandi de Villaviciosa, una interesante conferencia-mesa redonda col títulu “Retos de la producción y consumu de les fabes”, na que van participar dalgunos de los principales espertos nesta materia ente los que destaquen, Dña. Ana Elena Pérez Vega, Doctora ya Inxeniera Agrónoma del Programa de Xenética Vexetal del Serida; D. Juan José Ferreira, Doctor en Bioloxía y Director del Programa de Xenética Vexetal del Serida; D. Guillermo García González de L.lena, Técnicu de l’ Área d’Esperimentación y Demostración Agroforestal del Serida; D. Juan José Menéndez García, Llabrador y Presidente del Conseyu Regulador de la IGP Faba Asturiana; D. Pedro Morán Riestra, Restaurador y Propietariu de Casa Gerardo; D. Iván Gonzalez de la Plata, Académicu de l’Academia de Críticos Gastronómicos d’Asturies y Director Xeneral de Fenicia y D. Santiago Fernández Jove, Director Xeneral de Lisfersa (Comercializadora y Distribuidora adscrita a la I.G.P. Faba Asturiana).

Tamién te podria gustar