Dientro de la programación del décimu aniversariu del equipamientu cultural, La Cocina “con humor” de Félix Corcuera abre les puertes virtuales del branu nel Arte pa Confinamientu de la Factoría Cultural.
Van ser 12 actividaes impartíes al traviés de videotutoriales por profesores y artistes collaboradores de la Factoría, en disciplines que van de la pintura a la gastronomía. Podrán siguise los miércoles, vienres y domingos del mes de xunu, a les 20.00 hores, al traviés de les redes sociales de la Factoría Cultural.
La Factoría Cultural, nes celebraciones del so décimu aniversariu, abre les puertes virtuales del branu y caltién les sos propuestes artístiques enmarcaes en “Arte pal Confinamientu”. Mientres tol mes de xunu, profesores y ceadores venceyaos al centru cultural ufierten 12 actividaes online al traviés de les sos redes sociales. Va Empezar mañana, miércoles 3 de xunu, l’actor Félix Corcuera col so “Llamvilés. Cocina con humor”.
Esta propuesta gastronómica de Corcuera (que va ufiertar otros trés más) va ser la primera de les que podrán siguise tolos miércoles, vienres y domingos de xunu, siempres a les 20 hores, y destinaes a tolos públicos, dende la infancia hasta cualquier edá.
La iniciativa, que nació como “Arte para’l Confinamientu” una vegada decretáu l’estáu d’alarma, y que la so primer sesión tuvo llugar el 24 de marzu, tien un doble fin: fomentar, al traviés de videotutoriales, les capacidaes artístiques de los y el espectadores al empar que s’entretienen y presten. Nesta ocasión, en disciplines como la gastronomía, el cantar, la ilustración, el dibuxu, la escultura, l’animación, la videocreación, el origami y la pintura.
Puede aportase a elles de forma llibre y gratuita, dende Avilés a cualquier rincón del mundu, nes redes sociales de la Factoría Cultural, que son les siguientes:
Programación:
