ConceyosPlástiques La ciudadanía ufre so visión de la pandemia nuna esposición n’Avilés by redacción asturnews 14 de xunetu, 2020 written by redacción asturnews 14 de xunetu, 2020 1,3K Hasta’l 16 d’agostu na Antigua Pescadería d’Avilés pa poer vese l’amuesa qu’axunta 52 fotografíes y testos esplicativos de 40 autores que compartieron nes redes sociales la so visión mientres los díes de confinamientu y les fases de desescalada. L’Antigua Pescadería acueye hasta’l 16 d’agostu, la esposición “Avilés: confinamientu y desescalada” na que se recueyen fotografíes realizaes pola ciudadanía mientres l’Estáu d’Alarma, según una serie de testos que describen les vivencies que llevaron a los sos autores y autores a prindar les imaxes. L’horariu d’apertura va ser de llunes a domingu 7 a 23 hores. Les imaxes arrexúntense en dos secciones: NuestroAvilésDesdeCasa, que recueye los trabayos realizaos mientres los díes de confinamientu, y RedescubriendoAvilés, qu’arrexunta les fotografíes de les distintes fases de desescalada. En total, recibiéronse alredor de 200 fotografíes coles que se realizaron vídeos recopilatorios que se van publicar nes redes de AytoAviles mientres el tiempu que la esposición tea abierta al públicu La crisis del Covid-19 ta dando llugar a munches y variaes reflexones, emociones y esperiencies que se reflexen na esposición, aprovechando l’ensame de puntos de vista qu’ufierten les cuatro decenes d’autores de les fotografíes. Incertidume, esperanza, congoxa, optimismu, señardá, realcuentros y agradecimientos conviven n’una amuesa qu’afigura un periodu que naide esperaba tener que vivir. La esposición recueye una selección de les fotografíes qu’usuarios y usuaries de les redes sociales compartieron ante’l llamamientu que se fixo dende’l Conceyu d’Avilés col fin d’arreyar a la ciudadanía na documentación del estáu d’alarma nel día ente día d’Avilés. Como complementu, mientres los díes que tea abierta al públicu l’amuesa, van publicase nes redes sociales de @AytoAviles una serie de vídeos recopilatorios con aquelles fotografíes que nun tán espuestes n’Antigua Pescadería pero que formen parte del relatu conxuntu que la ciudadanía construyó mientres esti periodu. 0 FacebookTwitterPinterestEmail Anterior España va ser invitada de La Feria’l Llibru de Frankfurt nel 2022 y non nel 2021 siguiente Uviéu robla un conveniu de promoción turística col Conceyu de Logroño Tamién te podria gustar Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII... L’ALLA abre’l plazu pa los cursos de la... La comedia “Guau” pieslla “escenAvilés” esti miércoles