Portada Educación La celebración de la Selmana de les Lletres aporta al Xardín Botánicu de Xixón

La celebración de la Selmana de les Lletres aporta al Xardín Botánicu de Xixón

by asturnet

Con motivu de la celebración de la XXX Selmana de les Lletres asturianes, el C.P. Laviada de Xixón, va facer un actu de reconocimientu a la nuesa llingua, como yá ye vezu. Va ser mañana miércoles, 6 de mayu, a les 17:00 hores nel Xardín Botánicu Atlánticu, de Xixón.

Ellí los 170 neños matriculaos n’asignatura de llingua asturiana nel centru van ufiertar un recital recoyíu baxo’l títulu de “L’árbol de les pallabres”, onde caún de les neñes y los neños tendrá daqué que dicir al rodiu de les alcordances, la llibertá, la señaldá, la emigración….

Los escolinos tan dirixíos por Maria Xesús Prieto y Clara Fernández, los testos son orixinales de Xosé Lluis Remis y la música ye de Tejedor. La entrada ye llibre previa retirá d’invitación nel colexu.

Los responsables del actu pretende, como yá ficieron l’añú pasáu col musical “Suaños na mar”, “averar a los neños y neñes a la nuesa llingua, a les nueses pallabres, al tiempu qu’inviten a tol públicu a qu’escuchen les sos voces enllenes de nidios mensaxes”.

Tamién te podria gustar