“La Castalia” clausura’l so cursu “La voz na música de cámara” con un conciertu

L’Asociación Cultural “La Castalia” va clausurar la decimonovena edición del so cursu “La voz na música de cámara” con un conciertu que se va celebrar na sala de cámara del Auditoriu Príncipe Felipe’l 7 de febreru, domingu, a partir de les 19 hores. N’orixe, el conciertu taba programáu pa pasáu 8 d’avientu, pero les restricciones sanitaries obligaron a l’asociación a reprogramalo pa esta nueva fecha.

Nel conciertu van actuar les sopranos Janeth Zúñiga, Cristina Galán y Eugenia Ugarte; la mezzo María Eres; el tenor Adrián Ribeiro, y el contratenor Mikel Malda, acompañaos al pianu por Yelyzaveta Tomchuk y Mario Álvarez Blanco.

Como artistes invitaos, van participar la pianista Henar Fernández Clavel, el dúo formáu pol violinista Gabriel Ordás y el pianista Jorge Diego Valera, y el violinista Marcelo Re, acompañáu al pianu por Yelyzaveta Tomchuk.

El conciertu sirve amás d’homenaxe al Real Institutu d’Estudios Asturianos (RIDEA) pol so 75.º aniversariu, y a la iniciativa para convertir Asturies en capital mundial de la poesía, lo que se escenificará cola llectura de poemes.

L’aforu pal conciertu ta llindáu a 120 persones por causa de les restricciones sanitaries. La organización pide a los asistentes que, magar que el entamu de les actuaciones tea fitu para les 19.00 hores, tean na entrada media hora antes.