Portada Conceyos La Casa d’Alcuentru de les Muyeres acueye n’Avilés el taller “Yes xenial tal como yes”

La Casa d’Alcuentru de les Muyeres acueye n’Avilés el taller “Yes xenial tal como yes”

by redacción asturnews

Entamáu pola Asociación Abeyu en collaboración cola conceyalía d’Igualdá del Ayuntamientu d’Avilés, al traviés de les subvenciones municipales 2018, la Casa d’Alcuentru de les Muyeres acueye’l taller “Yes xenial tal como yes”, qu’entamó esti miércoles 24 y va desenvolvese hasta’l 19 d’avientu.

El taller “Yes xenial tal como yes” va desenvolver aspeutos como’l autoconocimiento, l’enfotu o la capacidá para responder a los contratiempos. Va Tener llugar del 24 d’ochobre al 19 d’avientu, los miércoles de 10 a 12 hores.

La Casa d’Alcuentru de les Muyeres, allugada nel Edificiu Fueru, acueye del 24 d’ochobre al 19 d’avientu’l taller “Yes xenial tal como yes”, entamáu pola Asociación Abeyu en collaboración cola conceyalía d’Igualdá. Tratase d’una iniciativa incluyida nel Proyectu Suma y Sigue, subvencionáu na convocatoria añal d’ayudes municipales para proyectos de Muyer.

El taller, que va tener llugar cada miércoles de 10 a 12 hores, va encetar distintos conteníos, ente los que s’inclúin:

Comprensión de retos y oportunidad
Satisfacción de necesidad
Ampliación del autoconocimiento
Imaxe positiva d’una mesma Respuesta a los contratiempos con intelixencia Fomento del  enfotu

Les inscripciones nesti taller, totalmente gratuites, pueden realizase al traviés de la conceyalía d’Igualdá, tanto nel teléfonu 985 527 546 como nos correos electrónicos mujeraviles.es y abeyusocialgmail.com.

“Suma y Sigue”, de l’Asociación Abeyu, consta d’una serie de talleres y actividaes, toes elles abiertes pa la ciudadanía, col fin de prevenir la violencia y ameyorar el desenvolvimientu personal na muyer, ayudar a ocupar el so llugar na sociedá, esplegando tola so potencialidá y contribuyendo con ello al so desenvolvimientu personal.

Tamién te podria gustar