Portada Hestoria La Campa Torres acueye una esposición sobres afayos funerarios

La Campa Torres acueye una esposición sobres afayos funerarios

by asturnet

Dende l’8 d’abril y hasta’l 26 de xunu de 2011 va poder visitase la esposición “L’últimu viaxe, les dotes funeraries de la Olmeda” que va tener llugar nel Parque Arqueolóxicu-Natural de la Campa Torres. La esposición pretende ser un percorríu pel complexu mundu del funus romanu que se percibe nos nutríos campusantos escavaos hasta’l presente pela redolada de la villa, asina como nos oxetos depositaos nes tumbes ; unos y otros ayuden a definir los grupos de población qu’ocuparon el territoriu asina como los rituales qu’acompañaron a los sos difuntos y que fueron propios mientres el Baxu Imperiu.

Hasta la fecha escaváronse en Pedrosa cerca de 700 tumbes dispuestes preferentemente en dos necrópolis, llamaes Norte y Sur, con distintes clases d’enterramientos. El más cenciellu consiste nuna caxa de madera asitiada dientro d’una fuesa ensin nengún tipu de revestimientu; ye’l tipu más común.

Tamién te podria gustar