La Cámara de Comercio d’Uviéu y les productores audiovisuales xúntense nun proyectu común

16 marzu 00:56 2006 Imprimir

La Cámara de Comercio d’Uviéu y l’Asociación de Productores de Televisión del Principáu d’Asturies(APTPA)van desarrollar a lo llargo de los prósimos cinco meses un programa empobináu a meyorar la competitividá de les empreses del sector na nuestra comunidá.

La necesidá d’entamar esta colaboración ente la Cámara carbayona y los productores audiovisuales surde de la nueva realidá d’esti sector profesional n’Asturies, cola implantación de la televisión dixital terrestrea y la puesta en marcha del Ente Públicu de Comunicación, asina como l’afitamientu de les emisores locales. El plan de competitividá va tentar analizar carencies y tendencies del sector anguaño, al empar qu’estudiar estratexes comerciales pa favorecer la ufierta nel mercáu de les empreses audiovisuales.

  Categories:
Loading Facebook Comments ...