La Cabalgata de los Reis Magos n’Avilés estrena dos espectáculos d’animación

Melchor, Gaspar y Baltasar van llegar esti sábadu a Avilés en barcu a les 18:00 hores y, de siguío, van treslladase al CEIP El Quirinal pa, dende ellí, empecipiar colos sos respectivos séquitos el desfile poles cais de la ciudá. La comitiva va tar formada por unes 300 persones, con gran protagonismu, un añu más, d’entidaes deportives y culturales d’Avilés.

El desembarcu ta previstu en redol a les 18 hores nel pantalán nº 10 del Puertu Deportivu d’Avilés, onde los Reis Magos van ser recibíos pola concyjala de Festexos, Ana Hevia. Les sos Maxestaes van llegar a bordu de la embarcación “La Rechalda”, vencida nuevamente para la ocasión pola Autoridá Portuaria d’Avilés.

Dende’l Puertu van treslladase, acompañaos pola Policía Local, al CEIP El Quirinal, onde se van xunir a les sos comitives y van desfilar peles cais d’Avilés a partir de les 19 hores.

La Cabalgata d’Avilés estrena esti años dos vistosos espectáculos d’animación:

• “Caballos y Estrelles”. Cuatro corceles lluminosos, grandes y etéreos, van acompañar a cuatro brillosos y enormes estrelles, encargaes d’emponer a cada unu de los Reis Magos nel so viaxe. De los cuatro, va haber una que rellume especialmente, la estrella d’Oriente, que dirixe a les otres trés
• “Gepetto, Pinocho y Pepito Grillu”. Estos personaxes míticos van salir del llibru tomando vida para acompañar a los avilesinos nesa nueche máxica. Gepetto, que creó a Pinocho, acompañáu por él mesmu y por Pepito Grillu, va recordar a los asistentes que nun se puede dicir mentires, porque nos crecer la ñariz”.

Los artistes Pepe Espiña, Esther Cuesta y Anselmo Valle van ser los encargaos de realizar los xarrés de Melchor, Gaspar y Baltasar, respectivamente. Gonzalo del Valle, pela so parte, va faer el llibru xigante que va acompañar a Gepetto y Pinocho, col títulu “Cuentos de siempre”.

Más información