La blogosfera n’asturianu acaparó la xornada del martes de L’Arribada

Esti martes, nel Antiguu Institutu Xovellanos de Xixón, dientro de les actividaes de l’Arribada, celebróse una xoranda dafechamente dedicada a la Web 2.0 y a la blogosfera n’Asturianu, cola participación de dellos de loas bloguers más activos de laq blogosfera en llingua asturiana, y nel trescursu de la mesma presentóse’l llibru “Dos visiones asturianes de les nueves tecnoloxíes” de Xabiel García Pañeda y Rubén Sánchez Antuña.

Rubén Sánchez Antuña dió tres de la presentación una conferencia a les 17.30 entitulada “L’asturianu na web 2.0” y darréu d’ello desendolcóse una tertulia col títulu “La bloguesfera n’asturianu” na qu’intervenieron dellos bloguers asturianos como Iris Díaz Trancho, Ricardo Candás, Xandru Fernández, Xulio Nel Fueyo, Humberto Gonzali, Lluis Portal o Pablo Texón, xunta Fernando de la Fuente, del canal de Blogues d’Asturies.com, y el direutor d’Asturnews y profesor de la Universidá de Valladolid, Próspero Morán, qu’entamo con una introducción sobre’l papel de los bloguers na Web 2.0 l’alderique.