La Biblioteca de Roces programa un alcuentru con Xuan Santori sobre Buchenwald

La Biblioteca de Roces programa un alcuentru con Xuan Santori sobre Buchenwald
12 febreru 10:00 2019 Imprimir

Esti martes día 12 a les 19 h. na Biblioteca Pública Alfonso Camín ( Roces ), dientro de les distintes actividaes que la Biblioteca ta desenvolviendo por cuenta de la so 50 aniversariu, va tener llugar l’alcuentru con Xuan Santori, autor del llibru: 42.553. Dempués de Buchenwald.

Al traviés de Xuan Santori vamos conocer la vida, nel campu de concentración de Buchenwald, del postreru superviviente asturianu Vicente García. Aforu llindáu, na Biblioteca de Roces, martes a les 19.00 hores.

Xuan Santori ellaboró un minuciosu trabayu a partir d’información de primerísima man con Vicente García, el que ye’l postreru superviviente asturianu d’un campu de concentración, nesti casu de Buchenwald. Vicente García foi prindáu en Francia y permaneció 15 meses recluyíu nesi campu de concentración. Na esposición, vamos cuntar con documentos rescataos de los arquivos alemanes y los qu’inda caltien el mesmu Vicente.

  Categories: