La basílica de Cangas acueye la Selmana de la Música

Cangas acueye na basílica la quinta edición de la Selmana de Música, que se desenvuelve hasta’l próximu sábadu, día 11, con conciertos a diariu nel marcu del emblemáticu templu cangués.

Güei  vienres, día 10, va tener llugar coles mesmes el conciertu de “All4Gospel Choir”, que la so directora ye Rutty Rock. Y a lo último, el sábadu, día 11, podrá esfrutase del recital del “Otxote Eguzkilore” so la batuta de Ramón Beraza Olabarrieta. Les entraes para allegar a estes sesiones, toles 20.30 hores, pueden acutar al traviés de la Casa Municipal de Cultura, llamando al teléfonu de les instalaciones municipales.

La quinta edición de la Selmana de Música na Basílica de Cangas dio empiezu’l pasáu llunes, col recital a cargu del Coru de Cámara Gaudia Música, dirixíu por Adolfo Izaguirre Álvarez. Ayeri, martes, tuvo llugar el conciertu de saxofón d’Óscar Rodríguez, profesor de la Escuela Municipal de Música, que tuvo acompañáu al pianu por Ana Fernández.