Portada Conceyos La banda La Tarrancha va animar cola so música l’Entierru de la Sardina

La banda La Tarrancha va animar cola so música l’Entierru de la Sardina

by redacción asturnews

La banda La Tarrancha va animar esti miércoles cola so música l’Entierru de la Sardina y va presentar a les 19 hores el so últimu trabayu, “Baillando con llokes”, nel escenariu de la plaza d’España d’Avilés. El Antroxu desenclava (18 hores. Cancha deportiva de Llaranes Viejo), vela y sotierra (19:30 hores. Plaza del Carbayo) y quema (20:30 hores. Plaza d’España) la sardina como remate de los festexos.

L’entierru de la sardina nun va ser tan murnia. Los avilesinos van poder baillar y despidir a lo grande un Antroxu más cola banda asturiana, La Tarrancha. A les 19:00 hores, la Plaza d’España va ser testigu de música ska entemecida con soníos asturianos, balcánicos, rusos, llatinos, funk, swing, pachanga, punk y cualquier ritmu que se-yos ponga per delantre.

Cola incorporación d’esti conciertu al programa del Antroxu, la xornada de mañana miércoles va desenvolvese conforme al siguiente programa:

La Confrería de la Sardina Sardina desenclavará esti pexe a les 18:00 hores na Cancha deportiva de Llaranes Viejo. Ellí va dar en la quema de atrepeyos y va despidise a la sardina y al antroxu al ritmu de “¡Adiós col corazón!”. A les 19:00 h. va tener llugar el conciertu de La Tarrancha n’El Parche y a les 19:30 h. va velase y va soterrar a la sardina na Plaza del Carbayo, acompañaos pola fanfarria El Felechu. El so cremación va ser a les 20:30 hores na Plaza d’España con una tronada final.

Tamién te podria gustar