La Banda Gaites Xácara estrena n’Uviéu Synexthesia

La Banda Gaites Xácara estrena n’Uviéu Synexthesia
11 avientu 20:35 2015 Imprimir

La Banda Gaites Xácara va presentar esti 12 d’avientu, a les 19:30h nel Auditoriu Príncipe Felipe d’Uviéu,con entrada llibre hasta completar aforu, la so nueva propuesta musical: SYNEXTHESIA.
La propuesta de Xácara ye una fusión musical na que va tar acompañada d’otra agrupación carbayona: La Bizarro BigBand.
Xácara, una agrupación veterana fundada nel añu 2001, cuenta na so haber con un ampliu historial musical nel que destaca la so participación y organización de 12 ediciones del Festival de Música Tradicional Xácara, asina como la participación na 39 Edición del Festival Interceltico de Lorient, añu 2009; la publicación del so primer trabayu discográficu, L’Espolletar del Carbayu, nel añu 2009; les Fiestes de la Santina en Valparaiso y Santiago de Chile, añu 2010; el Conciertu-homenaxe a los grandes maestros de la gaita asturiana S.XXI, añu 2012, merecedor del premiu” Meyor Espectaculo el Añu concedíu pola RPA; o’l Primer puestu nel Concursu de Bandes de gaites Arcu Atlanticu 2013.

Empobinada dende los sos entamos pol maestru de gaita Ricardo Soberado, trabaya dende fai más d’un añu nesta propuesta musical, na que cunta cola aportación fundamental del músicu y compositor asturianu, Jorge Méndez.

Un repertoriu de 14 temes, dellos tradicionales asturianos y otros de composición, pero toos ellos con un tinte distintu al que’l públicu aficionáu a la música asturiana ta avezáu. Temes instrumentales y temes cantaos y que j. Too esto y una puesta n’escena bien cuidada que cuerre al cargu de dos grandes profesionales de la escena teatral, Azucena Bédia, diseñadora del vestuariu y Manuel Badás, diseñador de la escenografía, constitúin la propuesta de Xácara.

Ensin escaecer montaxe escénicu de grandes dimensiones qu’ocupara l’espaciu de la sala Principal del Auditoriu, que va cuntar colos meyores medios técnicos apurríos por una empresa solvente como Alquison y la profesionalidá d’un gran técnicu a la mesa d’amiestos, como ye Sergio “Tutu”.

Loading Facebook Comments ...