Música La Banda de Música recibe la Medaya de Plata de la Ciudá d’Uviéu by redacción asturnews 20 de payares, 2017 written by redacción asturnews 20 de payares, 2017 49 L’alcalde, Wenceslao López, y el presidente de la Fundación Municipal de Cultura, Roberto Sánchez Ramos, apurrieron esti día a la Banda de Música municipal la Medaya de Plata de la Ciudá, mientres un conciertu celebráu nel Auditoriu Príncipe Felipe por cuenta del so 25 aniversariu. Recoyó la distinción Francisco Álvarez Buylla, presidente de la Fundación Musical Ciudá d’Uviéu. Al pie de él, un emocionáu Francisco Vigil Sampedro, director de la Banda dende la so creación hasta la so xubilación va unos meses, a quien se quixo homenaxar tamién mientres esta actuación. Na so intervención quixo estimar tou lo vivío mientres ese cuartu de sieglu al mandu de la formación musical: “a les corporaciones municipales y al actual conceyal de Cultura que nos acoricar tanto” indicó, y sobretou “al públicu que m’acompañó mientres toos estos años”. Minutos antes de xubir al escenariu, l’actual director de la Banda de Música, David Colado, recordó cómo lu conoció y cómo camudó la so vida: “cuando apenes tenía 13 años, n’una de les sos clases fíxome camudar toles mios aspiraciones deportives poles musicales (…) pa mi, Vigil ye un Maestru, con mayúscules” concluyó. El conciertu, tuvo dirixíu nun principiu por David Colado quien dexó la batuta al so predecesor nel cargu mientres la segunda parte na que se pudo escuchar parte del repertoriu del primer conciertu qu’ufiertó Francisco Vigil al mandu de la Banda de Música Ciudá d’Uviéu. Amás del Alcalde y el conceyal de Cultura, asistieron a l’actuación los conceyales Fernando Villacampa, Diego Valiño, Cristina Pontón, María Ablanedo, José Ramón Pando y Lluis Pacho. 0 FacebookTwitterPinterestEmail Anterior El Principáu convoca los certámenes de la XXXIX Selmana de les Lletres Asturianes siguiente La manipulación nes redes sociales un problema inda vixente Tamién te podria gustar Semando Son amuesa’l nuevu folk asturiano El Trasiegu Fest va tener un mercáu con... Tatxers, Skabidean y la nueva escena musical Navarra... Algaire repite l’éxitu del 2022 en Lorient La Banda Gaites de Castrillón ufrió’l so repertoriu... Fitoria torna nueve años depués a brillar en... La Delegación asturiana en Lorient protagoniza la xornada... Jaime Álvarez gana’l 36 Troféu Mac Crimmon de... Entamó en Lorient el 52 Festival Interceltique 4200 firmes sofiten la música n’asturianu en XIxón