Portada Emigración La banda de gaites Marino Tapiega participó na celebración del Día d’Asturies nel Centru Asturianu de Lausanne

La banda de gaites Marino Tapiega participó na celebración del Día d’Asturies nel Centru Asturianu de Lausanne

by asturnet

El Centru Asturianu de Lausanne celebró’l pasáu fin de selmana’l so Día d’Asturies na localidá suiza de Renens. Los actos de celebración, que contaron cola participación de la banda de gaites Marino Tapiega, que desfiló xunto a la banda escocesa Pipe Band of Lausanne y la banda de gaites Lauxebe, formada por gaiteros gallegos de Lausanne, Xinebra y Berna, foron retresmitios pola televisión de Lausanne. L’eventu contó tamien cola presencia del diputáu suizu Zyziadis y l’alcaldesa de Renens, Hugenin.

Les bandes de gaites desfilaron pela localidá de Renens onde tamien se celebró un conciertu de música rock. La xornada del domingu tuvo dedicada a los grupos folclóricos, que dieron un repasu a los diferentes bailles mesmo de Galicia, representaos pol grupu A Roda, que d’Asturies, con Marino Tapiega y l’Escarpín, del Centru Asturianu de Lausanne.

Album de semeyes

Tamién te podria gustar