La Banda de Gaites LaKadarma presenta so primer trabayu discográficu

La Banda de Gaites LaKadarma celebrará’l prósimu vienres 17 de xunu la presentación del so primer trabayu discográficu. L’actu sedrá a les 21:30 de la nueche nel Llagar Estrada de Nava nun conciertu nel qu’amosará dalgunes de les pieces que resumen la evolución de la formación durante los sos cuatro años d’esistencia.

Amás de la clásica formación de la banda —formada por una sección de gaites en do y sol; y un cuerpu de percusión, que consta de caxes d’alta tensión, timbales y bombu—, LaKadarma ta acompañada nel discu de dellos collacios que yá vienen collaborando nos caberos años nos sos espectáculos en directu, como ye’l casu del navetu Juanjo Díaz, a les percusiones; el gaiteru mexicanu Ernesto Góngora, cola gaita escocesa; y los grupos bretones Alambig Elektrik y L’Usine à Canards.
Pa facilitar esta xera, el trabayu foi grabáu en diversos estudios nacionales ya internacionales, como la Escuela Municipal de Música Tradicional de Llanes (Asturies), Arthur Music (An Orient, Bretaña), los Estudios Vertiz 99 (México D.F.) y los Estudios 15:40 (Perdones, Asturies). Nesti primer EP, l’agrupación naveta fai un recorríu per dalgunes de les pieces que resumen la evolución de la formación durante los sos cuatro años d’esistencia y que representen l’eclécticu soníu kadármicu.   Nesti primer EP, l’agrupación naveta fai un recorríu per dalgunes de les pieces que resumen la evolución de la formación durante los sos cuatro años d’esistencia y que representen l’eclécticu soníu kadármicu.
El preciu de la entrada a l’actu ye de 15 euros —7’50 euros pa neños y neñes menores de 12 años—, nos que, amás de l’accesu a la presentación del discu, s’incluye una espicha nel mesmu Llagar Estrada y un conciertu del grupu asturianu Salón Bombé. Toa aquella persona que desee asistir, podrá contactar con LaKadarma al traviés de los númberos de contactu 628240388 / 610088898; o bien, unviando un email a lakadarma@gmail.com nel que se detallen el nome, el númberu d’entraes que se necesiten y un teléfonu de contactu. La reserva deberá formalizase enantes del 12 de xunu, pudiendo mercar les entraes el mesmu domingu 12, n’horariu de 21 a 22 hores, nel Bar Florida de Nava o efectuando un ingresu al númberu de cuenta de l’agrupación: Caxa Rural d’Asturies: ES45 3059 0056 9725 0611 6421 (a nome de Banda de Gaites LaKadarma col conceptu «Nome + Númeru d’entraes»).