La Banda de Gaites ‘La Raitana’ va participar na Nueche Celta de Caussade

by asturnet | junio 7, 2007 11:42 pm

Redacción.

[1]

Esta fin de selmana que vien, la Banda de Gaites La Raitana, formada con alumnos de les Escueles Municipales de Música de Nava y Piloña, va participar na cuarta edición del festival ‘Nuit Celte’ de la llocalidá francesa de Caussade/Monteils, asitiada a unos 80 quilómetros al norte de la ciudá de Toulouse.

La formación asturiana, que va compartir escenariu con dalgunos de los más destacaos grupos folk de la escena europea, como Lunasa, va presentar el repertoriu que forma parte del so discu nuevu “Moh.ito”, publicáu apocayá pola compañía Fonoastur.

La Raitana yá percorrió los festivales internacionales más afamaos d’Europa. Ente otros, los festivales franceses de Lorient, Guingamp, Chemin de crabas, el portugues de Marinha Grande y l’italianu d’Agrigento.

Endnotes:
  1. [Image]: http://asturnews.com/bancofotos/fotos/2/3000.jpg

Source URL: http://asturnews.com/la-banda-de-gaites-%c2%91la-raitana%c2%92-va-participar-na-nueche-celta-de-caussade/