La 6ª Feria Nacional de Cerámica Creativa bati récord d’artistes

La 6ª Feria Nacional de Cerámica Creativa bati récord d’artistes
20 abril 09:05 2018 Imprimir

La 6ª Feria Nacional de Cerámica Creativa, que va tener llugar na Plaza de Trascorrales dende esti vienres 20 al 22 d’abril, n’horariu de 11.00 a 21.00 hores, va axuntar nesta ocasión a 18 artistes, superando los 16 del exerciciu anterior.

La Feria Nacional de Cerámica Creativa desembarca, un añu más, n’Uviéu celebrando en 2018 la so sesta edición. L’eventu, que va tener llugar na Plaza de Trascorrales los díes 20, 21 y 22 d’abril, n’horariu de 11.00 a 21.00 hores, va axuntar nesta ocasión a 18 artistes, superando los 16 del exerciciu anterior.

La celebración refier dos elementos, según apuntó’l conceyal de Cultura del Conceyu d’Uviéu, Roberto Sánchez Ramos, mientres la so presentación: una cerámica “del s. XXI” y una tradición d’artesanía nel conceyu “de más d’un mileniu”. “El pueblu de Faru dedicáu a la cerámica- rexistróse como la primer industria del nuesu conceyu. Ye’l gran puntu de referencia”, señaló.

Respectu al futuru d’esti tipu de manufactura, el conceyal anunció qu’en próximes feches la Fundación de Cultura que preside va estudiar que’l conceyu d’Uviéu intégrese n’una organización a nivel nacional ya internacional, configurando Uviéu como “conceyu ceramista” apelando, precisamente, a esos oríxenes y al significáu que tienen como elementu de la cultura popular na contorna.

La feria ufre cad añu un númberu mayor de visitantes y de vientes. Tamién el citáu aumentu na asistencia d’artistes, procedentes de llugares desemeyaos de la xeografía nacional, va dexar dar una visión global de la cerámica que se desenvuelve non solo n’Asturies –representada por cinco creadores- sinón de toa España.

Sánchez Ramos pronuncióse al respeutu del Muséu de Cerámica de Faru dempués de les dificultaes p’adquirir los tarrenes adyacentes al taller de José Manuel Vega Gutiérrez, más conocíu como “Selito”. “Ta pensándose nun proyectu nuevu que se va realizar n’unos terrenales públicos allugaos al llau del centru social de la localidá”, concluyó.

  Categories: