Portada Lliteratura La 40º edición del Premio Tigre Juan va tener ganador el 22 de payares

La 40º edición del Premio Tigre Juan va tener ganador el 22 de payares

by redacción asturnews

La 40º edición del Premio Tigre Juan va tener ganador esti añu pal 22 de payaresa, mentantu que la entrega del galardón va celebrarse nel Salón de Té del Teatru Campoamor. El premiáu va recibir una dotación económica de 10.000 euros.

La 40º Edición del Premio Tigre Juan de narrativa, entamáu pola Asociación Tribuna Ciudadana cola collaboración del Conceyu d’Uviéu, yá tien fecha para’l fallu y entrega del so galardón. Va Ser n’Uviéu’l próximu día 22 de payares nel Salón de Té del Teatru Campoamor. Asina s’anunció, esta selmana,  mientres la presentación del galardón d’anguaño nel Círculu de Belles Artes de Madrid, actu al qu’asistió’l conceyal de Cultura del Conceyu d’Uviéu, Roberto Sánchez Ramos, en compañía del presidente de l’Asociación Tribuna Ciudadana, Alfonso Toribio.

“Tigre Juan aguantó 40 años y ta bien amestáu a la cultura popular d’Uviéu, nun ye una cuestión d’élites”, aseguró Sánchez Ramos, añediendo que “qué guapo ye asitiar la lliteratura”. Amás, el conceyal anunció que l’añu que vien la Fundación Municipal de Cultura va convocar el Premiu de Poesía Ángel González, “basándose en repitir la fórmula de Tigre Juan”. “Tigre Juan tien golor carbayono. Nun importa’l ganador, ye lo de menos. Lo esencial ye qu’Uviéu, tal que a nós gústanos, volvió. Pidimos llarga vida para’l Tigre Juan“, añedió’l  presidente de Tribuna Ciudadana, parafrasiando lo publicao nel Diariu Rexón de 18 d’abril de 1978, siendo ésti l’añu de la so primer edición.

El ganador y el finalista van recibir, respectivamente, unes dotaciones económiques de 10.000 y 5.000 euros. Van salir escoyíos d’ente les 87 obres presentaes de procedencies bien diverses: tanto española – con representación de numberoses comunidaes autónomes – como de Hispanoamérica y d’Estaos Xuníos. Los miembros del xuráu encargaos de la elección de los galardonaos van ser nesta ocasión Fernando Menéndez; Natalia Cueto; Vicente Duque y Eduardo San José; siendo toos ellos coordinaos por Javier Gámez

Amás, la reconocencia a la narrativa de los más nuevos vuelve anguaño en forma del II Certame Nuevu de relatos curtios. Nesta ocasión presentáronse 42 relatos de diversos llugares d’España, una y bones l’añu pasáu taba acutáu a Asturies. Tamién va tener premios en metálicu que se van corresponder coles cantidaes de 400 euros pal ganador y 200 euros tantu pal 2º como pal 3º finalista. Los relatos ganador y finalista son recoyíos nel llibru tituláu La Solombra del Tigre, del editorial Pez de Plata.

El Premiu Tigre Juan, nacíu nel  añu 1978 y siempres amestáu a la ciudá d’Uviéu, foi xestionáu y patrocináu a lo llargo de los años por distintes persones y entidaes que, atendiendo a los sos distintos criterios d’actuación y d’organización, venir calteniendo y consolidando. Asina, y por orde cronolóxicu, el certame foi entamáu, dende les sos iniciales fundadores, pola Llibrería Cervantes, pel Centru Asturianu y pol Conceyu d’Uviéu, hasta llegar al so actual xestor, l’Asociación Cultural Tribuna Ciudadana. Dicha agrupación entama dende la edición de 2014 en collaboración y col sofitu del Conceyu d’Uviéu, al traviés de la Fundación Municipal de Cultura.

Engrosen la nómina de ganadores del Tigre Juan, ente otros, Antonio Pérez Henares, Ignacio Gracia Noriega, Belén Gopegui, Luis Sepúlveda, Inma Monsó, Antonio Oreyudu, Fernando Palazuelos, Manuel Moyano, José Luis Borau, Raúl Argemí, Jon Bilbao, Marta Sanz, Sergio del Molín, Samanta Schweblin, Gonzalo Hidalgo Bayal o Pedro Mairal. Ye de destacar la presencia d’un bon númberu d’autores hispanoamericanos, lo que fixo qu’esti galardón tenga un gran prestíu y un altu grau de conocencia nel continente americanu.

Tamién te podria gustar