La 18 Preba de la Sidra de Gascona sedrá’l 14 de Mayu

La 18 Preba de la Sidra de Gascona sedrá’l 14 de Mayu
26 abril 09:54 2017 Imprimir

El domingu 14 de mayu, dende los dolce del mediudía, va tener llugar la decimoctava edición de la Preba de la Sidra de Gascona na que la xente puede tastiar el productu de los 19 llagares que sirven sidra en Gascona y votar la meyor na categoría popular.

La cata oficial, como n’otres ocasiones, va tar empuesta por Luís Estrada y el xuráu d’espertos va tar compuestu por Maximino Villarrica, Gumersindo Martínez, Joaquín Cernuda, Severino Cueva y Agustín Rodríguez. Ellos van escoyer la sidra ganador na categoría oficial, siendo Salvador Ondó l’escanciador oficial y premiu al meyor escanciador 2016. Nesta edición como novedá tamién se va dar premiu a la etiqueta más Guapina y al igual que n’otres ediciones, el públicu asistente, por aciu l’alquisición d’una fueya de votación por solu cuatro euros, puede tastiar el productu de los 19 llagares que sirven la so sidra en Gascona y votar na categoría popular. Como ye tradición va agasayáse-yos col pañuelu verde distintivu, un làpiz y un vasu de sidra grabáu.

Esta edición cunta cola participación de diecinueve llagares ellaboradores: Castañón, Cortina, El Gobernador, Fonciello, Foncueva, Herminio, JR, L’Allume,L’Argayón, La Llarada, Menéndez, Muñiz, Orizón, Peñon, Raspia, Trabanco, Vallina, Vilba de Angelón y Vilba de Corsino.

Les xornaes gastronómiques de la cocina de la sidra van empezar el xueves 11 de mayu en toles sidreríes del bulevar y van rematar el día de la Preba.

Loading Facebook Comments ...