Lliteratura LAula de les Metáfores va estrenar una biblioteca de poesía n’asturianu by asturnet 2 de marzu, 2011 written by asturnet 2 de marzu, 2011 39 El día 14 d’abril, a partir de les 19:00 hores na Capiella los Dolores de Grau, va tener llugar la inauguración de la Biblioteca de Poesía Asturiana de l’Aula de les Metáfores, una iniciativa que se suma a la biblioteca de poesía catalana cola que yá cuntaba la institución moscona. La Biblioteca de Poesía Asturiana va convertise esi día nuna realidá gracies al patrociniu de la Conseyería de Cultura, que va sumar a los fondos yá esistentes na Aula, más de 300 volumes donaos pola Dirección Xeneral de Política Llingüística, que va siguir apurriendo dacuando exemplares a una colección que suma nesti momentu más de 400 y que va axuntar les referencies ineludibles de la poesía asturiana de tolos tiempos, dede Antón de Marirreguera a Antón García. Van Compartir espaciu na Biblioteca los clásicos de la poesía asturiana comol Padre Galo, Constantino Cabal, Teodoro Cuesta o Xuan María Acebal, los autores del Surdimientu, Xuan Xosé Sánchez Vicente, Manuel Asur, Xuan Bello, Berta Piñán, Antón García, Pablo Antón Marín Estrada, Lourdes Álvarez o Esther Prieto, y los más nuevos continuadores d’esa tradición, como Xandru Fernández, Vanessa Gutiérrez, Pablo Texón o Héctor Pérez Iglesias. La Biblioteca va poner a disposición de los llectores tamién les antoloxíes más importantes que se ficieron hasta la fecha, les principales traducciones y les revistes y demás publicaciones periódiques que recueyen amueses de poesía n’asturianu. Nel actu d’inauguración van intervenir los representantes de la Conseyería, el Conceyu de Grau y la Fundación Aula de les Metáfores, pa dar pasu de siguío a un conciertu nel que se van interpretar cantares basaos en testos de dalgunos de los más destacaos poetes asturianos. L’alcuerdu suscritu cola Conseyería de Cultura y Turismu contempla tamién la realización conxunta d’actividaes de promoción de la poesía asturiana. Nesi sentíu, destaca la collaboración de l’Aula de les Metáfores na próxima Selmana de les Lletres Asturianes, dedicada al escritor llangreanu Mánfer de la Llera. El 5 de mayu, a les 20:00 hores na Capiya de los Dolores, trés poetes que se cunten ente los más representativos de les socesives xeneraciones del Surdimientu, Xuan Xosé Sánchez Vicente, Xuan Bello y Vanessa Gutiérrez, van lleer poemes propios y van esponer la so valoración de la obra y la figura del poeta homenaxáu. 0 FacebookTwitterPinterestEmail Anterior Convoquen el Certame de Curtiumetraxes Villa d’Avilés siguiente Uviéu organiza un concursu pola mor del Antroxu Tamién te podria gustar Payares acueye les XLI Xornaes Internacionales d’Estudiu de... La llangreana Beatriz Quintana gana’l premiu de narrativa... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... Falláu’l Concursu de Microrrelatos “Día del Llibru” d’Avilés Xixón yá tien los meyores cuentos d’escolares con... Alcuentru con Oliva García en XIxón Llectura siguida del Quixote en Xixón Preséntase’l llibru “Estampes d’Asturies” de Manuel Maurín Álvarez Sonia Uría gana’l concursu lliterariu ‘Ensin muyeres, nun...