Portada Música L’asturianada llega esta tarde a los centros culturales de Xixón

L’asturianada llega esta tarde a los centros culturales de Xixón

by asturnet

El conceyu de Xixón acueye esta tarde delles actuaciones d’interpretes d’asturianada, dientro del yá tradicional circuitu “Asturianada nos centros municipales”. Los recitales tán organizaos pola Fundación Municipal de Cultura en collaboración cola Asociación d’Interpretes de la Canción Asturiana.

La primer de les actuaciones va celebrase a les siete la tarde nel Centru Municipal de Contrueces y va cuntar cola participación de Juan Robledo Iglesias, Silvia Suárez García y Manuel Roces Roces, tocando la gaita Rubén Rodríguez Martínez y presentando l’espectáculu José Luis Fernández Trubia.

Media hora más tarde, nel Atenéu de La Calzada l’actividá va tar al cargu de los cantantes Jorge Tuya Rivas, Luís Estrada Fernández y Mª Luz Cristobal Caunedo y el gaiteru Óscar Fernández González, presentando l’actividá Julio César Baragaño.

Tamién te podria gustar