Portada Educación L’ALLA convoca una edición más del cursos “elemental” y “avanzáu” d’asturianu

L’ALLA convoca una edición más del cursos “elemental” y “avanzáu” d’asturianu

by asturnet

L’Academia de la Llingua Asturiana (ALLA) tien abiertu’l plazu p’apuntase a los cursos de branu qu’entama dientro de la Universidá Asturiana de Branu, en Cangas del Narcea hasta’l vienres 3 de mayu. Les inscripciones han facese nel llar de l’Academia, nel 10 de la cai L’Águila d’Uviéu.

Como ye vezu repítense’l Cursu Elemental de Llingua Asturiana (dirixíu por Miguel Ramos Corrada), de 40 hores llectives y dirixíu a estudiantes que quieran averase a la conocencia práutica de la Llingua Asturiana. Esti cursu completaráse con 20 hores de clases práutiques; el Cursu Avanzáu de Llingua Asturianu (Dirixíu por Ana Cano), de 40 hores llectives y dirixíu a estudiantes que tengan la certificación de Conocencia Básica de la Llingua Asturiana per cualquiera de les víes previstes na convocatoria. Esti cursu completaráse con 20 hores de clases práutiques, y el Cursu de Capacitación pa la Traducción al Asturianu (Dirixíu por Cristina Valdés Rodríguez), de 30 hores llectives y dirixíu a estudiantes que tengan una conocencia avanzada de la llingua asturiana, cuntando con 15 hores práutiques.

Tamién te podria gustar