Portada Política L’Academia de la Llingua fai un llamáu al Partíu Popular pa que “llidere’l consensu sobre la oficialidá”

L’Academia de la Llingua fai un llamáu al Partíu Popular pa que “llidere’l consensu sobre la oficialidá”

by asturnet

L’Academia de la Llingua Asturiana comentó, al traviés de la so presidenta Ana Cano, que’l Partíu Popular debe “xugar agora un papel de llideralgu na busca d’un consensu sobre la oficialidá del asturianu nel próximu Estatutu”. Asina mesmo, la presidente recordó que según les encuestes “menos del venti por ciertu de los asturianos tán a la escontra de la oficialidá del asturianu”.

P’Ana Cano, el cambiu de postura del Partíu Popular hacia un discursu más favoratible pa cola normalización del asturianu “ye lo normal”, mientres que “lo raro ye que los partíos que representen al pueblu asturianu tean en contra de la llingua d’esti pueblu”.

Asina mesmo, la tamién decana de filoloxía de la Universidá d’Uviéu comentó “Yo espero que la oficialidá seya un elementu de xunión y de consensu de toles fuercies polítiques representaes na Xunta Xeneral, y nesi sen, el PP podría xugar un papel de llideraglu y d’elmentu fundamental, porque representa a bona parte de la sociedá asturiana”.

Tamién te podria gustar