L’ALLA entama un cursu d’asturianu nel Cabu Peñes

by asturnet | marzo 16, 2011 5:33 am

[1]

Academia de la Llingua Asturiana ta organizando pa los conceyos de Carreño y Gozón – xunto col Serviciu de Normalización Llingüística de la Mancomunidá d’El Cabu Peñes – un cursu d’alfabetización pa persones adultes en llingua asturiana como preparación pa la Prueba de Conocencia d’Asturianu, que va ser pal 28 de mayu de 2011 con un plazu de matrícula (pa esta prueba) del 16 al 26 de mayu.

El cursu tien un llargor de 36 hores, y va dase los martes y xueves de los meses d’abril y mayu, de 17:00 a 19:30 hores, y una hora de presentación y esposición del cursu. El sitiu onde se va dar esti añu ye’l polivalente La Baragaña de Candás, Carreño.

Pa más información consultar la páxina web www.faronorte.org o ponese en contactu col Serviciu de Normalización Llingüística de la Mancomunidá d’El Cabu Peñes nos teléfonos 985883050 y 985872406, amás de los correos llingua@mcabop.com y clasesdavid@hotmail.com

Endnotes:
  1. [Image]: http://asturnews.com/bancofotos/fotos/2/3995.jpg

Source URL: http://asturnews.com/l%c2%92alla-entama-un-cursu-d%c2%92asturianu-nel-cabu-penes/