L’Academia solicita falar col Rector y sofita que se permita presentar tesis n’asturianu nel nuevu Reglamentu

29 xunu 07:43 2011 Imprimir

Ana Cano, presidenta de l’Academia de la Llingua Asturiana fadrá llegar a Vicente Gotor, Rector de la Universidá d’Uviéu, la posición de l’Academia de la Llingua Asturiana, nel sen d’afitar la posibilidá de que l’asturianu pueda emplegase con normalidá na redaición de tesis doctorales y qu’ello s’inxerte dientro del Reglamentu d’Estudios de Doctoráu, agora mesmo en discutiniu polos muérganos universitarios. La reivindicación de l’ALLA faise nel contestu de la petición fecha pol Conceyu Universitariu pol Asturianu pa que se camude la redacción d’esta normativa, nestos momentos en fase de cosulta pública.

Encontándose nel Artículu 6.2. de los Estatutos de la Universidá d’Uviéu que dicen que “La llingua asturiana sedrá oxetu d’estudiu, enseñanza ya investigación nos ámbitos que correspuendan. Asina mesmo, el so emplegu tendrá’l tratamientu qu’afiten l’Estatutu d’Autonomía y la llexislación complementaria, dándose seguranza de la non discriminación del que la emplegue”, l’ ALLA reclama que “l’asturianu s’allugue como llingua de redaición de tesis doctorales n’igualdá de condiciones que’l restu d’idiomes contemplaos”.

El CUPA reclama a la Universidá d’Uviéu una solución definitiva pa la presentación de tesis n’asturianu

  Categories:
Loading Facebook Comments ...