Portada Conceyos Kumen Teatru presenta “Trés” en Llugones

Kumen Teatru presenta “Trés” en Llugones

by redacción asturnews

La compañía llangreana Kumen Teatru va poner n’escena “Trés”, una comedia del actor y guionista televisivu Juan Carlos Rubio. La cita va ser esti vienres 14 de xunu, a les 19.30 hores, na Casa de Cultura de la Llugones.

“Trés” estrenose en payares de 2009 nel Gran Teatru de Córdoba. Y de magar, esta obra ye una referencia de comedia. Y siempres, tea onde tea, col elencu que sía, prestó a un gran númberu d’espectadores.

La so formula ta bien diseñada y entemecía por que tenga les dosis de comedia apropiaes, con humor blanco que capta l’atención y risa del públicu. Ye una obra rápida, de gags efectivos, con una tema universal como la maternidá y l’amistá como telón de fondu llevada a cabu por personaxes estereotipu identificables para consiguir la risa de la sala.

Esos personaxes son Rocío, Ángela y Carlota, compañeres del colexu que s’axunten dempués de nun habese vistu dende fai enforma tiempu. Claro, caúna tomó distintos caminos y los sos calteres tán más marcaos que cuando yeren neñes, anque, como ye lóxicu, yá se adicar de pequeñes por onde diben dir los carreros. Trés muyeres a puntu de los cincuenta, que fracasaron nes sos relaciones sentimentales y que se sienten soles… La so gran idea para desaniciar frustración: ¿Qué meyor que poner un fíu nes sos vides?. El suañu de ser madres, por eso del reló biolóxicu y el restu de coses que se cunten sobro la realización d’una muyer siendo madre.

Agora: ¿Qué meyor, que’l neñu sía a la carta? Buscar un home que-yos empreste trés espermatozoides pa ser madres, que los sos fíos sían hermanos y al empar tener un padre d’usar y tirar (siquier esi ye’l so conceutu de primeres del rocambolescu planteamientu, por eso de los fracasos sentimentales y otros traumas col machu alfa o beta).

Y en estes vicisitúes, ensin dar nengún toque de fondura al asuntu, trescurren  les escenes, dende l’alcuentru de los trés, la elección del machu, nesti casu cuanto más alfa meyor, el planteamientu de paternidá múltiple y el desenllaz.

– – – – –

Duración: 90 minuto
Texto orixinal: Juan Carlos Rubiu Dirección:
José Ramón López
Parto: Carmen Suárez, Sonia Ribera, Verónica Amieva ya Iván García

Tamién te podria gustar