Korvera Bailla: HipHop pala fin de selmana

12 setiembre 08:40 2013 Imprimir

La fiesta electrónica “Korvera Suena”, enmarcada nel programa municipal va celebrase esta fin de selmana nel anfiteatru del parque Europa de Les Vegues, al pie de El Llar. La conceyala de Cultura, Patricia Álvarez, y el presidente de la entidá organizadora, Sergio Fernández, presentaron el pasáu miércoles una actividá que preve axuntar a cientos de moces de la contorna.

Les sesiones van empezar a los seis de la tarde colos hiphoperos de «LHDF» que van compartir les tables con «Magu y Caso Aparte». Tamién va haber momentos pa la improvisación y les rimas «free style».

El gruesu de la fiesta de «Korvera Suena» va llegar a les nueve de la nueche cuando los platos de los djs empiecen a sonar nel parque Europa. Va Llegar entós la vez de Xagó, un «pincha» del barriu avilesín d’El Pozón, del corveranu Keko Fernández, del avilesín «Leenosh», de «Kika Rodríguez» y del llenizu David Mallada, unu de los clásicos del «Korvera Bailla» y, de la mesma, unu de los Dj meyor valoraos del país.

  Categories:
Loading Facebook Comments ...