Knight amuesa’l secretu de les escultures en 3D d’Instagram

04 avientu 10:48 2017 Imprimir

Nos últimos meses apaecieron alredor del mundu sorprendentes escultures xigantes que dexaron estelaos a los usuarios de Instagram. L’artífiz d’estes innovadores proyecciones en 3D ye nada menos que Chad Knight, l’encargáu de los diseños impresos de Nike.

Lo que nun sabe la mayoría de la xente ye qu’estes obres d’arte en realidá nun esisten, formen parte de la imaxinación y la maña de Knight. Pero esto ye daqué que’l diseñador de 41 años confesó darréu, cuando se dio cuenta de que munches persones pelegrinaben hasta los llugares en cuestión puramente para ver les inesistentes escultures.

Llamalo Proyectu 365 y acaldía xube una de les sos obres na so cuenta de Instagram, según cuenta, pa “ameyorar la capacidá creativa nel arte dixital y ameyorar la proyección visual”. D’esta miente, el creativu da forma al arte surrealista que cuerre poles sos venes y entemecer con inspiración, reflexones y sensaciones. “La idea ye crear un venceyu ente lo real ya irreal”.

Les sos obres tienen xuna guapura estraña, qu’atrai y aterra al empar, pos munches d’elles cunten con cranios xigantes y desintegraos pero que pinta con colores vivos pa modificar esa percepción espeluznante.

Los más de 98.000 siguidores de Knight piden que construya estes estructures. Y ye que, ensin dulda, tratase d’escultures que, pola so orixinalidá y atrevencia, muncha xente querdría ver feches realidá. Enagora, Knight nun esclarió que va faer al respeutu, pero tou apunta a que, dica agora, tou va quedar nuna ilusión máxica nes redes.

  Categories: