Katy Perry va ufiertar el 28 de xunu en Barcelona’l so únicu conciertu n’España

Katy Perry va ufiertar el 28 de xunu en Barcelona’l so únicu conciertu n’España
01 marzu 21:41 2018 Imprimir

Katy Perry va ufiertar un únicu conciertu n’España, el próximu 28 de xunu nel Palau Sant Jordi de Barcelona, nel marcu de la so xira Witness The Tour, de presentación del so cuartu álbum d’estudiu, Witness.

L’últimu discu de la cantante, llanzáu’l pasáu xunu y que llegó a ocupar el puestu númberu 1 de iTunes nun total de 46 países, tien como tema principal Chained To The Rhythm. El cantar algamó’l récord d’escuches d’una artista femenina’l día del so llanzamientu en Spotify, y l’álbum inclúi otros cantares como “Bon Appetit”, que’l so vídeu foi’l más vistu de tola carrera de Katy Perry, o “Swish Swish”.

Según informó la promotora Doctor Music, la nueva xira de la cantante, que ye la primera tres el Prismatic World Tour de 2015, presenta una “rompedora puesta n’escena y un show azogosu”.

Katy Perry, que debutó en 2008 col álbum “One of the Boys” y algamó la reconocencia mundial col so siguiente trabayu, “Teenage dream”, en 2010, tien a los sos llombos grandes ésitos musicales, como los cantares “Firework”, “Roar” y “Dark Horse”. Les entraes para esti únicu conciertu en Barcelona podrán adquirise a partir del 7 de marzu nes canales habituales de vienta y los precios van bazcuyar ente los 45 y 105 euros.

  Categories: