Kamikaze Helmets trai so Rock&roll al Puertu Deportivu de Xixón

Kamikaze Helmets trai so Rock&roll al Puertu Deportivu de Xixón
29 xunetu 14:16 2021 Imprimir

Nel escenariu asitiáu nel Espigón Central de Fomentu nel Puertu Deportivu Kamikaze Helmets, el nuevu proyectu de Gabri Casanova y Kike Parra, trai so Rock&roll al Puertu Deportivu de Xixón esti xueves 29 de xunetu a partir de les 20 hores.

Kamikaze Helmets ye’l nuevu proyectu de Gabri Casanova (Anaut, The Sweet Vandals, Llisa and The Lips, Martha Reeves and The Vandellas, Vinila Von Bismark, Supersubmarina, Anni B Sweet, Iván Ferreiro, anguaño Loquillo…) y Kike Parra (Belen Arjona, Love Division, Demian Band, Gansos Roses, Tom Walker, Felix Holt & the Radicals, Niall Kelly, Ian Siegal, Louise Distras…), dos de los más reputaos y solicitaos músicos de la escena de rock, blues y funk nacional.

Dempués de tantos kilómetros y nueches de rock and roll crean el so propiu proyectu bebiendo d’influencies como Led Zeppelin, Black Keys, White Stripes….pero dándo-y un enfoque actual (ya inclusive futuru), nel cercu d’artistes como Queens of the Stone Age o los actuales Royal Blood.

Una puesta n’escena única con un batería cantante; una suerte de mutación bastarda a mediu camín entre Boham y Plant, un eslabón perdíu ente’l Groove aplastante con baxos moog sintetizaos de Stevie Wonder y les guitarres punchantes whammy de Hendrix. Y tou ello vistíos pa un saltu al vacio ensin torna…

Nel escenariu asitiáu nel Espigón Central de Fomentu nel Puertu Deportivu.
Places: Apertura de la cortil media hora antes del entamu de la sesión
Cuando: 29 de xunetu de 2021 a les 20 hores.

Mas información Kamikaze Helmets

  Categories: