Kabueñes enllena Xixón d’alcuentros ente la mocedá

Kabueñes enllena Xixón d’alcuentros ente la mocedá
09 ochobre 14:23 2015 Imprimir

Esti vienres entamen los Alcuentros Internacionales de la Mocedá de cabueñes qu’un añu más van desenvolver una montonera d’actividaes alrodiu la cultura y la participación.

Por exemplu, nel marcu de los Alcuentros Internacionales de Mocedá de Cabueñes, esti sábadu 10 d’ochobre, a les 19:30 horas, nel salón d’actos del Centru de Cultura Antiguu Institutu (C/ Xovellanos, 21), va tener llugar un alcuentru de mozos con polítiques y políticos asturianos.  Van Participar nel mesmu, Ángela Vallina, Eurodiputada d’Izquierda Xunida; Adrián Barbón, Diputáu del PSOE nel Congresu de los Diputaos y Héctor Piernavieja. Diputáu de Podemos na Xunta Xeneral del Principáu.

Y esti alcuentru ye’l colofón d’un proyectu de promoción de la participación política de la mocedá dende una perspectiva de xéneru, desenvueltu nos últimos meses dende’l Conseyu de Mocedá de Xixón. Nel alcuentru pretende xenerase un espaciu de diálogu, alderique, intercambiu, propuesta ya incidencia política sobre temes qu’esmolecen na actualidá a la mocedá. Diríxese n’especial a mozos de 16 a 30 años con interés na participación político y social.

Los Alcuentros Internacionales de Mocedá de Cabueñes siguen coles sos actividaes a lo llargo del sábadu nos cinco seminarios alredor de distintes temes qu’entamaron esti vienres: Innovación, emprendizaje, creatividá, aprendizaxe-serviciu, participación…

Les actividaes previstes pal sábadu en cada unu de los alcuentros son les que vienen darréu:

ALCUENTRU 1. COMO DISEÑAR UN ECOSISTEMA D’INNOVACIÓN ABIERTA.

Les actividaes de la mañana van empezar a les 10:00 h. con una conferencia del profesor acomuñáu de la Universidá Leuphana, Carsten Claus: “Les múltiples cares de la innovación. Mozos, Participación y Emprendizaxe en contestos culturales diversos”. A les 11:00 Jesús Orbea va desenvolver la ponencia: “¿Ye innovador solo porque ye nuevu? Pensamientu granible Vs pensamientu reproductivu”.

De 12:00 a 14:00 h. va desenvolvese’l Workshop I: Técniques de Creatividá. Y pela tarde, a les 16:30, Mario Guilló va falar sobre “Ecosistemes d’Innovación Abierta: modelos y metodoloxíes; el Modelu Finlandés (Aalto +ACSI)”. De 17:30 a 19:30 , segundu Workshop: Cómo desenvolver un Ecosistema d’Innovación Abierta a nivel local (Xixón) o rexonal (Asturies).

ALCUENTRU 2 EMPRENDIMIENTU SOCIAL XUVENIL. FORMACIÓN EN METODOLOXÍA SUAÑAR. FAILO. DE ASHOKA

L’alcuentru 2, coordináu por Lorena Silvestri, esperta en emprendimiento social xuvenil, va empezar a les 10:00 h col conceutu de Mozos “Changemakers” y el conceutu d’entamador social. va trabayase sobre exemplos de mozos que camuden el mundo. A les 11:45 va falar de les hestories personales: qué son y cómo cuntales.  A les 16:30, y mientres el restu de la tarde, siguirá trabayándose sobre les hestories personales y los caminos cruzaos.

ALCUENTRU 3. MOVIMIENTU MAKER: IMAXINA, CREE, PIENSA Y FAILO!

L’alcuentru 3, dedicáu al movimientu “Maker”, va dedicar la sesión de la mañana a falar de creatividá. De 10:00 a 14:00 h. Paco Prieto, de Fundación CTIC, dirixe un Taller de creatividá. Por aciu técniques de Serious Play les persones participantes van poner en marcha una idea orixinal que van desenvolver y van convertir en proyectu. La tarde va ser el momentu de ver como llevar a la realidá los proyectos. Raquel Gallego, de RedDoorLab, va encargar de dirixir el Taller de prototipao, de 16:30 a 19:00.

ALCUENTRU 4. APRENDIZAXE-SERVICIU: CREATIVIDÁ Y COMPROMISU SOCIAL

Roser Batlle, pedagoga especializada n’aprendizaxe-serviciu (ApS), educación nel tiempu llibre, educación en valores y educación pa la ciudadanía, va introducir na sesión de mañana’l conceutu de ApS, trabayando sobre analís d’esperiencies, el ApS nel mundu y n’España y el ApS y l’educación non formal. Pela tarde, de 16:30-19:00 h, mesa d’esperiencies y alderique, cola participación de: Roser Batlle. APES (Galicia) Jolas eta Ekin (País Vascu) Mar de Borrina (Asturies)

ALCUENTRU 5. PARTICIPACIÓN XUVENIL: NUEVES FERRAMIENTES PAL TRESFORMAMIENTU SOCIAL

L’alcuentru 5 va centrar la sesión de mañana, de 10:00 a 14:00, n’ellaborar un diagnósticu de partida y ver como construyir modelos tresformadores de participación, al traviés de técniques como’l bazar de la participación o’l tótem. Dinamizan Javier Caleyón y Juan Latasa. Pela tarde, de 16:30 a 18:30, va trabayase sobre la innovación nel diseñu de los procesos nes entidaes: cocreación y xestión del cambéu.

Loading Facebook Comments ...