Portada Cine Julia Roberts morría de sobredosis nel guión orixinal de “Pretty Woman”

Julia Roberts morría de sobredosis nel guión orixinal de “Pretty Woman”

by redacción asturnews
Foto: Yortw (https://www.flickr.com/photos/yortw/)

La noticia cinematográfica d’esta selmana ye bien señalada de que en Hollywood falten idegues.  El guión orixinal de “Pretty Woman”, la cinta empobinada por Garry Marshall, remataba nun drama devastador: la muerte de Vivian Ward (Julia Roberts).

D’alcuerdu a les declaraciones del expresidente de Walt Disney Studios, Jeffrey Katzenberg, el personaxe al que dio vida Julia Roberts finaba d’una sobredosis na versión orixinal. “Nun puedo dicite cuánto tiempu pasamos aldericando”, dicía’l exejecutivo a Page Six del New York Post.

“Como guión, Pretty Woman foi una película pa públicu adultu sobre una prostituta del Boulevard de Hollywood. A éstes na versión orixinal -que ye bastante escura – creo qu’ella morría de sobredosis”, añedió.

El productor televisivu de 66 años esplicó que Disney nun taba bien conforme con un final tan aveséu. “Convencer (a la xente) de que tendríamos de faer eso en Walt Disney Co., y que ye un cuentu de xanes y una película de princeses, a muncha xente costaría-y velo”.

Tamién te podria gustar