Música Juanes, Luis Fonsi, J Balvin y Maluma van actuar nos Grammy Llatinu by redacción asturnews 2 de payares, 2017 written by redacción asturnews 2 de payares, 2017 33 Juanes, Luis Fonsi, J Balvin y Maluma son dalgunos de los artistes confirmaos esta selmana pola Academia Llatina de la Grabación para xubise al escenariu del MGM Grand Garden Arena (Les Vegues, Nevada) el 16 de payares na próxima edición de los Grammy Llatinu. La llista tamién inclúi a Bad Bunny, Flor de Toloache, Mon Laferte, Natalia Lafourcade, Residente, Sofía Reyes, Alejandro Sanz, Steve Aoki, Alessia Cara, Logic y French Montana. Sanz, que va interpretar dalgunos de los sos grandes ésitos, va recibir un tributu como “Persona del añu 2017” mientres una gala que va tener llugar el día antes. El cantautor español, ganador de trés premios Grammy y 18 Grammy Llatinos, va ser homenaxáu pol so arte y les sos importantes contribuciones filantrópiques a organizaciones como Médicos Ensin Fronteres, Save the Children y Greenpeace, ente otres. L’actor y cantante mexicanu Jaime Camil va ser l’encargáu de presentar la ceremonia al pie de l’actriz puertorriqueña Roselyn Sánchez. L’artista puertorriqueñu Residente, con nueve candidatures, y los colombianos Maluma y Shakira, con siete y seis nominaciones, respectivamente, parten como los grandes favoritos pa la 18 edición de los Grammy Llatinu. L’Academia Llatina de la Grabación tamién va reconocer la trayectoria de Los del Río, Lucecita Benítez, João Bosco, Ilan Chester, Víctor Heredia, Guadalupe Pineda y Cucu Valoy col Premiu a la Excelencia Musical de los Grammy Llatinu. 0 FacebookTwitterPinterestEmail Anterior J.K. Rowling, refugada por dos editoriales dempués de publicar Harry Potter siguiente Una aplicación móvil va facilitar el contactu ente conceyalía d’Educación y families avilesines Tamién te podria gustar Semando Son amuesa’l nuevu folk asturiano El Trasiegu Fest va tener un mercáu con... Tatxers, Skabidean y la nueva escena musical Navarra... Algaire repite l’éxitu del 2022 en Lorient La Banda Gaites de Castrillón ufrió’l so repertoriu... Fitoria torna nueve años depués a brillar en... La Delegación asturiana en Lorient protagoniza la xornada... Jaime Álvarez gana’l 36 Troféu Mac Crimmon de... Entamó en Lorient el 52 Festival Interceltique 4200 firmes sofiten la música n’asturianu en XIxón