Portada Lliteratura Juan José Millás falará sobro lliteratura y cine nel Teatru Palacio Valdés

Juan José Millás falará sobro lliteratura y cine nel Teatru Palacio Valdés

by redacción asturnews

L’escritor Juan José Millás ufiertará’l xueves 29 una conferencia-alderique sobro lliteratura y cine nel Teatru Palacio Valdés, dientro la programación de la Cátedra de Cine, frutu de la collaboración ente la Universidá d’Uviéu y el Conceyu d’Avilés.

Un alcuentru col escritor y periodista Juan José Milles ye otra de les actividaes programaes pa esti mes pola Cátedra de Cine frutu de la collaboración ente la Universidá d’Uviéu y el Conceyu d’Avilés. Al cursu de branu ‘Cineastes y músicos. Les afinidaes electives’, que se ta celebrando esta selmana, sumir xuna conferencia alderica col que ye unu de los intelectuales con más discursu, percorríu ya influencia nel panorama lliterariu, periodísticu y social na España del nuesu tiempu, y que sabe, en primer persona, de les complexes relaciones ente lliteratura y cine.

Va ser esti xueves 29 a les 19,30 hores, nel Teatru Palacio Valdés. Les invitaciones son gratuites y pa poder allegar al eventu yá tán disponibles les reserves na web https://invitacionesavilescultural.es. Pol COVID l’aforu ye llindáu y ye obligatoriu cumplir toes la midíes de seguridá qu’establez la organización pa prevenir l’andada.

El recién rodaxe de Dende la solombra, llargumetraxe empobináu por Félix Viscarret (Patria, So les estrelles) basáu na novela homónima de Millás, fai más curiosa esta privilexada ocasión de tener al gran autor valencianu conferenciando n’Avilés y pal que nada que tenga que ver colo humano ye-y ayenu, como puede comprobase nos sos artículos na prensa diaria y nes sos intervenciones na radio y n’otros medios de comunicación. .

El creador del ‘articuentu’, esos escritos a mediu camín ente l’artículu periodísticu y el cuentu y que son un auténticu puntu d’alcuentru d’humor, fantasía y cotidianeidad, acerase nestos tiempos convulsos al tresformamientu d’otra de les sos noveles en material cinematográfico. Coles mesmes que Viscarret rueda en 2021 la novela de 2016 Dende la solombra, Antonio Méndez Esparda (Courtroom 3H, La vida y namás) prepara, de la mesma, otru llargumetraxe sobro ‘Que naide duerma’, novela Millás publicada en 2018. En 2002, el director Sergio Renán llevó a la pantalla ‘La soledá yera esto’, tamién col mesmu títulu que la novela publicada en 1990.

L’autor falará tamién d’otros llugares artísticos onde lliteratura y cine atópense y él punxo los sos güeyos, los sos oyíos y les sos emociones en tema coles películes, atopando, según les sos palabres, a un espectador más inocente que’l llector-escritor voraz que, tres cuarenta y seis años de carrera lliteraria, ganar, prácticamente tou: el Nacional de Lliteratura, el Nacional de Periodismo Miguel Delibes, el Planeta, el Nadal, la Primavera. Por si fora poco, dende 2007, Juan José Millás ye Doctor honoris causa pola Universidá d’Uviéu, lo que-y fai un pocu más nuesu.

L’escritor valencianu va tar acompañáu nesta conferencia sobro Conversaciones sobro lliteratura y cine pola directora y el subdireutor de la Cátedra de Cine, Madalena Cueto y José Ángel Lázaro, respectivamente.

Les entraes p’asistir al eventu son gratuites previa reserva na web https://invitacionesavilescultural.es

Tamién te podria gustar