Portada Sociedá Juan Benito Argüelles fina a los 85 años

Juan Benito Argüelles fina a los 85 años

by asturnet

Benito Argüelles, iconu de la cultura asturiana, nacíu en 1930 n’Uviéu, finó esti día a los 85 años d’edá.

Esti catedráticu de Francés d’Enseñanza Media, que con anterioridá fuera secretariu del premiu Nobel de Literatura Camilo José Cela, pal qu’empezó a trabayar pel branu de 1966 en Palma de Mallorca, remató la so relación llaboral con elli en 1967 y fundó’l 11 de febreru de 1980, al pie de la so esposa, la tamién profesora Lola Fernández Lucio, Tribuna Ciudadana.

Tribuna Ciudadana foi una asociación cultural abierta y plural, integrada por persones de les más variaes ideoloxíes y col so principal oxetivu d’aldericar idees, establecíu na so Acta Fundacional col propósitu de fomentar y desenvolver la ciencia y la cultura.

Argüelles tamién fundó’l Premiu de Novela Curtia «Tigre Juan» en 1977 con un grupu d’amigos, l’Alianza Francesa d’Uviéu cy el Círculu Cultural de Valdediós (1998). Coles mesmes, cola so muyer, entamó en 1996 «Conversaciones en Valdediós».

En 2008 el Gobiernu del Principáu concedió-y la Medaya de Plata d’Asturies.

Tamién te podria gustar