Portada Escéniques Josep María Pou, Mario Gas y Ernesto Caballero, triunviratu de luxu para traer a Avilés el so Vieyu amigu Cicerón”

Josep María Pou, Mario Gas y Ernesto Caballero, triunviratu de luxu para traer a Avilés el so Vieyu amigu Cicerón”

by redacción asturnews

Josep María Pou, Mario Gas y Ernesto Caballero, formen el triunviratu de luxu que va traer a Avilés al so “vieyu amigu” Cicerón”. Va ser el vienres 6 de setiembre a les 21 hores, sustituyendo nel programa d’EscenAvilés de xunetu a setiembre al estrenu de “Qué faemos con Walter”, prevista pal mesmu día a la mesma hora.

La obra foi aclamada na so puesta n’escena a primeros de xunetu mientres el Festival de Teatru Clásicu de Mérida. Tantu l’abonu, como les entraes adquiríes pal espectáculu anuláu, van sirvir para esfrutar de la nueva producción, y quien lo deseye va poder solicitar la devolución .

El públicu d’Avilés va ser el primeru n’esfrutar d’una de les obres aclamaes nel últimu Festival de Teatru Clásicu de Mérida. Tratase de “Vieyu amigu Cicerón”, una producción que consiguió axuntar a trés xigantes de la escena española, col protagonismu de Josep María Pou y la dirección de Mario Gas nun testu robláu por Ernesto Caballero. Va Tener llugar el vienres 6 de setiembre nel Teatru Palacio Valdés a les a les 21 hores.

Esta coproducción del Festival Internacional de Teatru Clásicu de Mérida y el Teatre Romea de Barcelona, que dirixe’l mesmu Pou, sustitúi na programación de escenAvilés al estrenu previstu, “¿Qué faemos con Walter?”, que se diba a estrenar el mesmu día y la mesma hora, y que’l so montaxe foi pel momento suspendíu por cuestiones de producción ayenes al Teatru Palacio Valdés.

Acompañen a Pou sobro l’escenariu dos nuevos intérpretes, Bernat Quintana y Miranda Gas. Na obra l’autor, Ernesto Caballero, traza un viaxe de descubrimientu sobro la figura de Cicerón, el brillosu orador, políticu y xurista romanu del sieglu I antes de Cristu. “Representa la defensa de la llegalidá como valor moral frente a la degradación del sistema políticu”, esplica’l mesmu dramaturgu.

N’escena conviven el pasáu, Cicerón al pie de la so fía Tulia y al so escribán, l’esclavu manumitíu Tirón, y el presente, un profesor y dos alumnos que traten d’esquizar ya investigar sobre la figura del hestóricu pensador. Nuna trama na que puede llograse una llectura contemporanea, cola fonderada de la situación política española actual, como diz Caballero, “plantega un movimientu pendular, un diálogu, ente l’antigua Roma y los nuesos díes nuna yuxtaposición de tiempos”.

Con esta obra, Josep María Pou suma al so estensu currículum otru personaxe clave na creación del pensamientu occidental, de nuevu a les ordes de Mario Gas, cuidando que de la unión d’esta pareya de xigantes, hestoria y presente del teatru n’España, surdió tamién “Sócrates”, que pudo esfrutase nel Centru Niemeyer nel 2016. Coles mesmes, en mayu pasáu, el mesmu Pou xubir a les tables del Palaciu Valdés vistíu d’un mitu de la lliteratura, el capitán Ahab en “Moby Dick”.

Más información

Tamién te podria gustar