ConceyosEscéniques José Sacristán vuelve al Xovellanos by redacción asturnews 10 d'avientu, 2021 written by redacción asturnews 10 d'avientu, 2021 3,2K José Sacristán aporta esta fin de selmana al teatru Xovellanos con dos sesiones esti vienres y sábadu baxo la direición de José Sámano. Un pintor, con munchos años nel oficiu, lleva tiempu sumíu nuna crisis creativa. Desque finó de forma imprevista la so muyer, que yera tou pa él, prácticamente nun pudo volver pintar. Nesti estáu recuerda, desque bien nuevos conociéronse, tantu los acontecimientos felices que-y tuvieron aprofiantemente namoráu d’ella mientres tola so vida como l’apaición, adulces, d’una enfermedá que, ensin naide suponelo, condució-y a una muerte inesperada a los 48 años d’edá. Tamos nel branu y seronda de 1975. La fía mayor de dambos ta na cárcel poles sos actividaes polítiques, y ye neses feches cuando surden los primeros síntomes de la enfermedá de la so madre que la fía va vivir dende dientro de la prisión. Ye otra alcordanza permanente na vida del so padre, que tamién agora alica. Esta obra teatral ye’l relatu d’una historia d’amor en camín desenfrenáu escontra la muerte, que nos asitia naquella España con traces inequívoques, que nos fala de la felicidá y de la so perda, y que llega a la intimidá de cada ser humanu, y a la so emoción, pel camín rectu y simple de la verdá. Un amor que s’enllena de dramatismu, y quiciabes de mayor plenitú, cuando apaez, primero ensin faer ruiu y dempués como una brutal rotura, la enfermedá. Una estelante semeya de “una señora de colloráu”, tan lluminosa, “sobre’l fondu gris” de toles circunstancies qu’arrodien la so final. Intérprete: José Sacristán Dirección: José Sámano Adaptación: José Sámano, José Sacristán ya Inés Camiña Teatro Xovellanos 10 d’avientu de 2021 a les 20:30 11 d’avientu de 2021 a les 20:30 Más información 0 FacebookTwitterPinterestEmail Anterior El Gobiernu concede a Serrat la Gran Cruz de la Orde Civil d’Alfonso X el Sabiu siguiente 19 compañíes y 186 candidatures opten a los Premios “Oh!” d’Artes Escéniques Tamién te podria gustar Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre Nun Tris abre les Xornaes del Festival Nel... Tatxers, Skabidean y la nueva escena musical Navarra... Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII...