Portada Sociedá José Miguel Fernández Sastrón, nuevu presidente de la SGAE

José Miguel Fernández Sastrón, nuevu presidente de la SGAE

by redacción asturnews

El compositor y músicu José Miguel Fernández Sastrón, representante del Colexu de Pequeñu Derechu, foi escoyíu, por 17 votos frente a los 16 que recibió Antonio Meliveo Mena, pola Xunta Directiva de la SGAE como nuevu presidente de la entidá de xestión de derechos. Con 57 años, convirtióse en Presidente de la entidá hasta 2019, añu nel que se va escosar l’actual llexislatura.

Fernández Sastrón (Madrid, 1959) sustitúi asina al guionista y productor José Luis Acosta Salmerón (Úbeda, Xaén, 1961), escoyíu en xunetu de 2013, que decidió presentar, inesperadamente, la so dimisión irrevocable ante la Xunta’l pasáu 31 de marzu al considerar incompatible la so vida profesional y personal col cargu.

“Güei empecípiase una nueva etapa na SGAE. Na mio xestión, va primar la defensa y protección de los derechos d’autores y editores que lu integren. Voi Trabayar coles mires de una xestión alministrativa eficiente, que nos dexe faer llegar a el autores el salariu que-yos correspuende poles sos creación”, afirmó Sastrón nuna primer valoración, en resultando escoyíu.

El músicu, que se convierte nel tercer presidente de la entidá desque la Guardia Civil detuviera acusáu d’apropiación de fondos en xunetu de 2011 a Eduardo Bautista, postulárase en toles anteriores ocasiones nes que tuvo vacante esi puestu pa ocupalo y la so opción foi la más votada frente a la del otru candidatu, Antonio Meliveo Mena.

D’esta forma, Fernández Sastrón asítiase como’l presidente númberu 40 de la institución. Una entidá que, a lo llargo de les sos 117 años d’hestoria, tuvo presidida por compositores (como Vital Aza, Ruperto Chapí, Amadeo Vives, Francisco Alonso, Jacinto Guerrero o Moreno Torroba), dramaturgos (como Benito Pérez Galdós, Pedro Muñoz Seca, Carlos Arniches, Eduardo Marquina, Juan José Alonso Millán, Ana Diosdado o Santiago Moncada) o cineastes (como Manuel Gutiérrez Aragón o José Luis Borau), ente otros.

Tamién te podria gustar