Lorient 2018Música José Manuel Tejedor presenta los sos 30 años de “Miraes” musicales en Lorient by redacción asturnews 7 d'agostu, 2018 written by redacción asturnews 7 d'agostu, 2018 330 José Manuel Tejedor presentó esti martes pela noche nel Palaciu de Congresos de Lorient el so primer discu en solitario: “Miraes”, con un conciertu nel qu’amosó por qué tien llevao la so visión musical a más de 15 países nos sos casi 30 años de carrera. A mediaos de los años 80, un tejedor neñu ablucaba en Lorient cola so primer actuación del concursu Macallan de Gaita nel mesmu escenariu nel qu’ayeri pela nueche dexó bien a les clares al públicu de Lorient que sigue siendo enforma fiel a los sos principios musicales ensin escaecer una maduración inevitable. Nel camín, bien de festivales en más de 15 países d’Europa y América Llatina, decenes de premios nacionales e internacionales y cuatro discos los sos hermanos Javier y Eva baxo marca ‘Tejedor’ que cambiaron pa siempre el panorama de la música de raigañu fecha n’Asturies, Anguaño, José Manuel Tejedor daba esti mes de mayu pasáu un pasu más y enfocaba otros puntos de vista. Col llanzamientu del so primer discu en solitariu, ‘Miraes’, col que trai a Lorient un nuevu perfil nel que’l gaiteru consolídase definitivamente comocompositor y artesanu musical. La mayoría de los 15 temas que formen esti trabayu personal ya intimista entemeciéronse con temes pernomaos del gaiteru nel Palciu de Congresos y volverán repetise esti martes, a les nueve la nueche nel Teatru de Lorient. Flautes, teclaos y guitarres conviven al mesmu tiempu con la gaita nun espaciu minimalista pero que caltién el sabor autenticu de Tejedor, esi que resume tan bien la tema cola que finó en Lorient la so primer actuación y que lleva’l nomatu d’un pernomáu pueblu d’Irlanda del Norte. Si’l discu ye tranquilu l’actuación respondió nidiamente a esi cliché, con los momentos culminantes de la mano de la tema qu’abre’l discu “Autómatas” y con una execución amañada de “L’Encargu”. Nun hai nada que redescubrir en José Manuel. Y en Lorient, persabe que xuega en casa, como-y lo recordaron los aplausos sentíos colos que lu despidieron nel tímidu bis que pudo ufrir, sabedor que nos conciertos del Palaciu de Congresos de Lorient, que tantes alcordances de treinta años p’atrás y tien que traer, l’horariu hay que cumplilu cuando yes el grupu qu’entama la nueche musical. 2018Festival de LorientFILFil 2018Jose Manuel TejedorLorientTejedor 0 FacebookTwitterPinterestEmail Anterior Future Shorts: entama la Summer season en Xixón siguiente Presentación del Directoriu 2018 d’entidaes comprometíes cola Igualdá Tamién te podria gustar Semando Son amuesa’l nuevu folk asturiano El Trasiegu Fest va tener un mercáu con... Tatxers, Skabidean y la nueva escena musical Navarra... Algaire repite l’éxitu del 2022 en Lorient La Banda Gaites de Castrillón ufrió’l so repertoriu... Fitoria torna nueve años depués a brillar en... La Delegación asturiana en Lorient protagoniza la xornada... Jaime Álvarez gana’l 36 Troféu Mac Crimmon de... Entamó en Lorient el 52 Festival Interceltique 4200 firmes sofiten la música n’asturianu en XIxón