José Manuel Montejo Bernardo fala en Xixón de publicidá y falsa ciencia

José Manuel Montejo Bernardo fala en Xixón de publicidá y falsa ciencia
24 mayu 08:41 2022 Imprimir

Esti martes 24 de mayu de 2022 a les 19 nel Centru de Cultura Antiguu Institutu de Xixón José Manuel Montejo Bernardo va impartir una charra sobro “Ciencia, publicidá y falsa ciencia”.

Esta conferencia enmarcase nel ciclu “100CIA N’ESTENSIÓN: Ciencia paez, ciencia nun ye”, entamáu pola Unidá de Cultura Científica y de la Innovación de la Universidá d’Uviéu y la Fundación Española para la Ciencia y la Tecnoloxía (FECYT) en collaboración cola Fundación Municipal de Cultura, Educación y Universidá Popular – Programa Xixón con Ciencia.

José Manuel Montejo Bernardo ye Doctor en Ciencies Químiques pola Universidá d’Uviéu. Profesor titular nel departamentu de Ciencies de la Educación de la Facultá de Formación del Profesoráu y Educación, tamién de la Universidá d’Uviéu. Lleva impartiendo clases en diversos graos de la Universidá d’Uviéu dende l’añu 2007, y participando n’actividaes de divulgación para neños, nuevos y profesores de colexu ya institutu dende l’añu 2011. Autor o co-autor de trés obres de divulgación: “La Ciencia en 55,3 esperimentos” (para estudiantes de la ESO y Bachiller), “Neurones n’acción” (teatru para neños) y “Einstein y la máquina CuentaCiencia” (cuentu para neños de primaria).

 

  Categories:
Loading Facebook Comments ...